| 由出班到現在已經有一個月了....直到現在都幸好還未遇到一些嚴重事故! 暫時遇得最多都係自動報火警鐘誤嗚, 有人企圖由高處跳下, 交通意外等....! 火警返而未遇上, 因為市民防火意識真係提高了很多!! 而在消防局的生活開始習慣了....每朝早在操場操練, 有時跟呀sir 去巡查大廈既消防設備, 去睇投訴, 去一D地方講解比機構聽有關防火和基本既滅火知識, 間唔中重有D小學生會入黎我守果間局參觀, 佢地D問題千奇百怪, 都幾得意! 由今個禮拜起我要去救護站跟救護車實習三個禮拜, 實習完之後, 再加埋之前訓練學校所學的進揩救護學, 我就除了係一個消防員之外, 亦擔當了先遺急救員一職。 之前同朋友傾開計, 講開我要做埋先遺急救員, 佢都唔知先遺急救員係乜?? 其實先遺急救員係消防員, 如果附近冇救護車, 或我地會比救護車早到, 而該case並唔係好嚴重的話.... fire control就會派我地去喇! 咁我地係坐乜野車去現場呢?? 我地係會坐消防車去, 不論係細搶, 泵車或升降台.....! 我有次跟師兄坐住架升降台去做先遺急救, 一車就6個人, 我地一落車, 個保安員就話, 呀Sir, 個住户係call 白車喎....點解會係消防車黎既?? 亦有一次接報凌晨有個女人唔舒服, 我地到場之後見到個女仔應該就係飲醉左, 我地成車人落車, 個女仔望一望我地, 再望一望架車.....呆左 ......! 所以呢...朋友們....下次見到......唔洗驚.....我地係黎幫你既......!!! 最後一件事想講就係......我去救護站跟救護車實習三個禮拜,今日先係第三日...但巳經見到好多野....有D老人家骨廋如柴, 行動不便, 又心臟病, 中風, 又有大肚婆割脈自剎...又有人頭破血流... 各位記得小心身體....緊記....人生得意須盡歡 |
!!
